Нов систем на работа во училиштата во Србија

In Образование
Извор: Shutterstock
Loading...
Едносменска работа во училиштата, пилот проектот кој е најавен за 1 септември 2019 година, во суштина нема да донесе многу новости, имајќи предвид дека не е задолжителен, но затоа, од друга страна, на учениците кои би сакале, ќе им донесе можност да учествуваат во различни тренинзи и работилници, и тоа бесплатно.

Предлогот на Министерството за образование е да на овој проект му се приклучат 240 училишта. Но, секако, за ова е потребно установите да обезбедат одредени услови, а еден од приоритетите е да имаат кујна во склоп на училиштето, или ако ја немаат, да имаат организиран кетеринг. Секако, и да има доволно простор. Идејата е на учениците да им се понуди добро осмислени активности после редовната настава, а посебно, времето да го користат во финкција на развој, изјавуваат од Министерството и објаснуваат што тоа навистина значи.

Како изгледа новиот концепт

Наставата ќе започнува во вообичаеното време за прва смена. После редовната настава, децата кои ќе сакаат да одат дома никој нема да ги спречи во тоа, но ќе имаат можност да останат да ручаат и да учествуваат во одредени активности организирани од училиштето кои ќе бидат бесплатни.

После ручекот предвидено е да се одржува додатна, дополнителна, менторска настава, припреми за натпревар, приемни испити, работилници за насилство, превенција на наркоманија и други зависности, како и за развивање на комуникациски вештини, вештини на учење и друго.

Исто така ќе можат да посетуваат и завршат основна музичка школа, школа за спорт, школа за цртање, школа за странски јазици. Ќе има и драмски секции, математички, хемиски…

Децата ќе имаат прилика и да се бават со говорништво, развој на критичкото мислење, како и изведување експерименти од доменот на природните науки.

Понатаму, активности од доменот на еколошката етика, заштита на животни, што подразбира правење на мала зоолошка градина во склоп на училиштето, во која ќе има животни кои ќе можат да живеат во училишниот двор. Децата ќе ги одржуваат зоолошките градини, ќе им чистат на животните и ќе ги хранат.

Развивање и практикување на здрави животни стилови, безбедност во сообраќајот и негување и развој на физичките способности, како и насочување во вршење на едноставни поправки на велосипеди и нивно одржување – со ова ќе се занимаваат во рамките на програмата ,,Култура во сообраќајот и спортот”.

Loading...

You may also read!

Од тука може да ја симнете апликацијата МојДДВ

Денеска стартува проектот „Мој ДДВ“, со кој се предвидува поврат на ДДВ од 15 проценти. Преку оваа мерка, според најавите

Read More...

Три калуѓерки заработиле скоро милион евра од марихуана (Галерија)

Целиот проект го започнале пред седум години со само 12 билки, пренесува Klix.ba. Тие тврдат дека со своите производи успеале

Read More...

Вакцините и аутизмот немаат апсолутно никаква поврзаност, тврди уште една голема студија

Новата голема студија спроведена во Данска, не открила поврзаност меѓу вакцинирање против мали сипаници, заушки и рубеола и развој

Read More...

Mobile Sliding Menu